Tæpt ár er nú liðið síðan Háskólinn í Reykjavík fór í samstarf við átta aðra evrópska háskóla í verkefninu NeurotechEU. NeurotechEU er samstarfsverkefni skólanna á sviði taugatækni (e. neuro-technology) og hlaut í sumar 2,2 milljarða króna styrk frá Evrópusambandinu til næstu fjögurra ára.

Fyrirlestur á vegum sálfræðideildar í tilefni 25 ára afmælis HR var haldinn í síðustu viku. Fyrirlesari var Kristen Dams-O'Connor, forstöðukona rannsóknarseturs um heilaáverka við Mount Sinai-sjúkrahúsið í New York og fjallaði hún um áhrif heilaáverka og leiðir til að bæta lífsgæði þeirra sem verða fyrir alvarlegum heilaáverkum. Fyrirlesturinn var vel sóttur af nemendum og starfsfólki háskólans og fagfólki á sviðinu.

3. árs nemar í íþróttafræði við HR mættu síðastliðinn miðvikudag í Kórinn í Kópavogi til að framkvæma mælingar á eldri borgurum sem eru þátttakendur í verkefninu Virkni og vellíðan í bænum.